சுவிற்சர்லாந்தில் வாழும் தமிழர்களினால் மீண்டும் தொடரப்படும் வன்முறைகலாச்சாரம்

இவ்வாரம் சொலத்தூண் புகையிரத நிலையத்தில் நடைபெற்ற துப்hhக்கி சூட்டு சம்பவம் பல தமிழர்களிற்கு அதிர்ச்சி அளித்துள்ளது. பல ஆண்டுகளாக வாழும் தமிழர்கள் இந்நாட்டிலுள்ள ஐனநாயக கலாச்சரத்தினை கற்று கொள்ளாது அல்லது இணைவாக்கமடையாது தமக்கென ஓர் வட்டத்தினை உருவாக்கி வாழ்வதன் விளைவாகவே இச்சம்பவத்தினை பார்க்க முடிகின்றது.

இது ஓர் வியாபர போட்டியின் விளைவாக நடைபெற்ற வன்முறை சம்பவமாகவே அவதானிக்க முடிகின்றது. கடந்த சில காலங்களில் சுவிற்சர்லாந்தில் ஓரு குழு தாமே எல்லாவிடயங்களையும் கட்டுப்பாட்டிற்குள் வைத்திரிக்கவேண்டும் அல்லது சகல நிதிகளும் தமக்கே வந்து சேரவேணும் என மீறாப்படன் செயற்பட்டு வருகின்றனர். இக்குழுவினர் தன்னிச்சையாக செயற்படும் புகைப்பட விடீயோ தொழில் வியாபாரிகளை முடக்க வேண்;டுமென கங்கணம் கட்டி செயற்படுகின்றனர். திட்டமிட்ட விலைக்குறைப்பு அல்லது தாதா போல் வெருட்டும் நடவடிக்கைகளையும் மேற்கொண்டு வியாபாரிகளை முடக்க முயலுகின்றனர்.

எது எப்படி இருப்பினும் முரண்பாடுகளை ஆயுதம் மூலம் தீர்த்துகொள்வதை எக்காரணம் கொண்டும் ஏற்றுகொள்ள முடியாது. இவ் ஆத்திர செயற்பாடு இவ்விபதத்தினை தடுக்க முயன்ற ஓர் இளைஞனின் உயிரைப்பறித்தது கொடூரமானது.

நீதியற்று நடைபெறும் விடயங்கனை முதலில்; அனைத்து தரப்பினர்களிற்கு தெரியப்படுத்துதல வேண்டும். அல்லது இந்நாட்டு சட்டங்களின் வசதிகளுடாக பிணக்குகளை தீர்க்க முயற்சிக்க வேண்டும். 

பேசித்தீர்க்க வேண்டிய விடயங்களிற்கு வன்முறையை கையிலெடுப்பது எமது வாழ்வில் உறைந்து போன ஓர் கலாச்சாரமாகவே உள்ளது. இதன் வெளிப்பாட்டினை யாழ் மண்ணிலும் காணக்கூடியதாக உள்ளது. அரசியல் சமூக ஐனநாயகத்திற்கு மட்டும் போராட்டம் நடாத்தாது கலாச்சார மாறுதலுக்கான போராட்ங்களிற்கான தேவையும் இன்று எழுந்துள்ளது.

புலத்தில் இன்றும் தமது இனத்துடன் மட்டுமே தொடர்புகளை குறுக்கி வைத்து கொண்டு இருப்பதனலால் எமது அருகில் வாழ்ந்து வரும் ஏனைய சமூகங்களில் காணப்படும் நல்ல குணாம்சங்களை கற்றுகொள்வதற்கான வாய்ப்புக்களையோ அல்லது அறிந்து கொள்ளவதற்கான வாய்ப்புக்களையோ மறுப்பதின் விளைவாகவே இவ்வகையான குறுகியமனோபாவத்தின் வளர்ச்சி அதிகரிக்கின்றது.

ஓவ்வெரு மனிதனும் தனது வாழ்காலம் முழுதும் கற்றுகொள்ள வேண்டிய பல விடயங்கள் நிறைவே உள்ளது. சுவிற்சர்லாந்தில் வாழும் வெளிநாட்டவர்கள் ஓரே இடத்தில் கூடி வாழ்வதற்கான வசதிகள் பெரும்பாலும் அமையபெறவில்லை. ஓரே இன வெளிநாட்டு சமூகங்கள் ஒன்று கூடி வாழும் பல ஐரோப்பிய நாடுகளில் இன்னமும் வன்முறைச்சம்பவங்களின் எண்ணிக்கை அதிகமாகவே உள்ளது.

ஓருவரை கண்டித்து பேச வேண்டும் என்றால் நாம் பலவிதமாக கண்டிக்கலாம். சம்பந்தபட்டவரை ஆத்திரம் ஊட்ட கூடியவாறும் கண்டிக்கலாம் அல்லது அறிவுறுத்துவது போலும் கண்டிக்கலாம். இந்நாட்டவர் தமது குழந்தைக்கு கட்டுபாடுகளையும் கண்டிப்புக்களையும் எவ்வாறு குழந்தையை புண்படுத்தாது கையாள வேண்டுமென்பதனை அறிந்து வைத்துள்ளனர். சரியான முறையில் குழந்தையிடம் தொடர்பாடுபளை மேற்கொள்ள வேண்டும் என்பதற்காக பயிச்சியையும் பெற்றுகொள்கின்றனர். ஐரோப்பியர் பல இளம் தம்பதிகள் குழந்தை வழர்ப்பு சம்பந்தமான பல புத்தகங்களை வாசிக்கின்றனர். எம்மில் பலர் இவ்வகையான வாசிப்புக்களை செய்வதில்லை மாறாக தனியே தென்னிந்திய தனிநபர் சகாச சினிமாக்களில மட்டுமே கவனம் செலுத்துகின்றனர்.

புலம்பெயர்ந்து வாழும் தமிழ் சமூகத்தினர்; பலர் வாசிப்பதனையே முற்றாக நிறுத்திவிட்டனர்.  வுhசிப்பிற்கான முன்தேவை இன்று எழுந்துள்ளது. தனியே அரசியல் இலக்கிய வாசிப்புகளுடன் நின்றுவிடாது இன்று சமூகத்திற்கு தேவையான சாதாரன பல விடயங்கள் அடங்கிய புத்தகங்களை வாசிப்பதற்கான ஓர் வேலைத்திட்டத்தினை ஆரம்பிக்க வேண்டிய கடமை புலத்து தமிழ் புத்திஜீவிகளிற்கு உருவாகியுள்ளது.

ஓர் சரியான உரையாடல்களை தொடர்பாடல்களை மேற்கொள்வதற்கான வளம் தமிழ் மொழியில் நிறையவே உள்ளது. தமிழ் சினிமாவில் பயன்படுத்தப்படும் சரியானதும் பிழையான உரையாடல் வடிவங்களே இன்று பல தமிழர்களது நாவில் ஆதிக்கம் செலுத்துகின்றது.

தனியே இசை நாட்டிய போட்டி நிகழ்ச்சிகள் மட்டும் ஓர் சிறந்த சமூகத்தினை வளம்படுத்த முடியாது. புலம்பெயர் நாடுகளில் நடைபெறும் தமிழ்பாடசாலைகள் கூட இன்றும் பழமையான கற்றுகொடுக்கும் நடைமுறையையே கடைப்பிடித்து வருகின்றனர். இன்றும் யாரோ எழுதிக்கொடுக்கும் விடயங்களை மனப்பாடம் செய்து பேச்சுபோட்டி நிகழ்வுகளில் ஓப்புவிக்கும் கருவிகளாகவே குழந்தைகள் 

பயன்படுத்தப்படுகின்றனர். 

இந்நாட்டில் வாழும் ஏனைய சமூகங்களுடன் தம்மை இணைத்துகொண்டு அங்குள்ள போட்டிகளில் கலந்து கொள்ளாது. மேடையேறும் வாய்ப்புக்கள் தமிழ் மேடைகளில் அதிகமாக உள்ளதால் பெற்றோரும் தமது பிள்ளைகளை தமிழ்வட்டத்திற்குள் மாத்திரம் சுழலவிடுகின்றனர். இதற்கு பல தமிழ் போட்டி நிகழ்ச்சிகளை ஆதாரப்படுத்தலாம். கலை கலாச்சார நிகழ்ச்சிகளிலும் எவ்வித மாற்றமற்று கடந்த இரண்டு மூன்று சகாப்தங்களிற்கு முன்னர் எவ்வாறு நடந்ததோ உள்ளடக்கத்தில் மாற்றமற்று தனியே தொழில் நுட்பமாற்றங்களுடன் மாற்றங்களுடன் மேடையேறிவருகின்றது. ஓரு சிலர் மாற்றத்தினை கொண்டுவந்தாலும் அதற்கு மக்களின் ஆதரவு மட்டமாகவே உள்ளது.

புலம் பெயர்ந்து வாழும் சமூக அனைத்து தலைமுறையினரும் இந்நாட்டு அரசியல் கலை கலாச்சாரத்துடன் இணைவாக்கமடைய வேண்டும். தமக்கன மட்டும் கோடு போட்டு இந் நாடுகளில் தம்மை ஓர் தனி அலகாக பேணுவது ஆபத்தனதாகும். முக்கியமாக இரண்டாவது தலைமுறையினர் தத்தமது நாடுகளில் ஓர் அமைதியான வாழ்வை நடத்த வேண்டும் என்றால் மூடிய வாழ்வுநிலையில் இருந்து வெளியில் வரவேண்டும்.

க.சுதாகரன்

30.10.2016

சுவிற்சர்லாந்து போலி தமிழ் தேசியவாதிகள் ஓர் அம்பலப்படுத்தல்

சுவிற்சர்லாந்து தமிழர் ஓருங்கிணைப்பு குழு (STCC) எனும் பெயரில் இன்றும் புலிகளின் தலை இல்லாத பின்னரும் அதே பெயரில் இயங்கிவரும் இவ் அமைப்பும். தமிழ் தேசியமே தமது குறிக்கோல் என்று பிதற்றி திரியும் மற்றைய சில அமைப்புகளும் சீறிலங்கா சுவிற்சர்லாந்து வர்த்தக சமூகத்தினால் நடாத்தபட்ட கலாச்சார உணவு விழாவினை நிகழ்வை கண்டித்து எதிர்ப்பை தெரியப்படுத்தியிருந்தனர்.

விடுதலைப்புலிகளிற்காக புலத்தில் வேலை செய்த பலர் இன்று இலங்கை அரசுடன் மிக நெருக்கமாக கைகோர்த்து தமது வியாபாரத்தினை நடாத்துவதை யாரும் மறக்கமுடியாது. இவர்கள் இன்றும் இலங்கைக்கு ராஜமரியாதையுடன் சென்றுவருகின்றனர். 

புலம் பெயர் மக்களை ஓன்றினைத்து தமது வியாபரத்தினை பெருக்குவதற்கு ஓர் ஆயுதாமாகவே தமிழ் தேசியத்தினை கையில் எடுக்கின்றனர். இவ்வகையில் கடந்த தமிழ் தேசியத்தின் ஆதரவுடன் செயற்பட்ட பல வியாபர ஸ்தாபனங்கள் இன்று பெரிய வெற்றிகரமான நிறுவனங்களாக வலம்வருவதை யாரும் மறுக்க இயலாது.

விடுதலைப்புலிகள் தளத்தில் போராடிய போது அவர்களுக்காக நிதி சேகரித்தவர்கள் தலைமை அழிந்த பின்னரும் நிதியில் ருசி கண்ட éணைகளான இவர்கள் இன்றும் தமிழ் தேசியத்தின் பெயரில் புலம்பெயர் மக்கள் வியர்வை சிந்திய பணத்தினை கபளீகரம் செய்து வருகின்றனர். இவ்வகை கபளீகரங்களை செய்வதற்கு தமிழ்தேசியத்தின் காவலர் எனும் அங்கி இவர்களிற்கு அத்தியவசிமாகின்றது. தாம் சேகரிக்கும் நிதிக்கான பிரச்சார யுக்கதிக்காகவே பல போலிபோரட்ட நிகழ்வுகளை காலத்திற்கு காலம் நிகழ்த்திவருகின்றனர்.

• ஐ.நா விற்கு படையெடுப்பது

• மாவீரர்களின் பெயரை கூறி விளையாட்டு போட்டிகளை நடாத்தி இலட்சக்கணக்கான சுவிஸ்பிராங்குகளை திரட்டுவது

• கல்விசேவை என்ற பெயரில் தமிழ் கல்வி கலாச்சார கல்வி என்ற பெயரில் சுவிற்சர்லாந்து அரசிலிருந்தும் நிதியை பெறுவது மட்டுமல்லாது பெற்றோரிடமும் பணத்தினை கறந்து மிக குறைந்த கூலியை ஆசிரியர்களிற்கு வழங்குவது.

• அத்துடன் நின்று விடாது வருமானத்தினை அள்ளி வழங்கும் கோயில்களை தமது பினாமிகளை கொண்டு போலி நிர்வாக்த்தினை உருவாக்கி கோலில் நிதியை தேசியத்தின் பெயரில் கையாள்வது.

• சுயாதீன அமைப்புகள் நாடாத்தும் கலாச்சார நிகழ்ச்சிகளில் சேகரிக்கும்நிதியை தேசியத்தின் பெயரில் கப்பம் பெறுவது. 

என பல அட்டூளியங்களை செய்து வந்தவர்கள் இறுதி யுத்ததின் போது அவசர நிதி சேகரிக்கும் போது போதுமான வருமானமற்ற குடும்பங்களின் பெயரில் தமது சுவிற்சர்லாந்து வங்கி தரகர்கள் மூலம் போலி ஆதாரங்களை சமர்பித்து ஓரு இலட்சம் சுவிஸ்பிராங்குகளை வசூலித்து இந்த கடன்களை அடைக்க இயலாது பலர் இன்று மதுவுக்கும் குடும்ப பிளவுக்கும் உள்ளாகியுள்ளனர். 

கல்வி சேவை பொறுப்பாளர்களிற்கு இவர்கள் கொடுத்த சம்பளம் சுவிற்கர்லாந்தில் ஓர் உயர்மட்ட உத்தியோகத்தினர்களிற்கு வழங்கும் ஊதியத்திற்கு நிகரானது. இந்நாட்டில் வாழும் பல தமிழர்கள் மிக குறைந்த ஊதியத்திலேயே தொழில்சாலைகளிலும் உணவுவிடுதிகளிலும் வேலை செய்து வருகின்றனர் என்பது இங்கு குறிப்பிடதக்கது.

2009 ற்கு முன்னர் தமிழீழ விடுதலைப்புலிகளின் தலைமை உயிரிடன் இருக்கும் போது அவர்களிற்கு சேகரித்த நிதி விபரங்கள் காட்டவேண்டும் என்ற நிhபந்தம் இருந்தது. 2009 இற்கு பிற்பாடு நடத்திய மாவீரர் தினம் விளையாட்டுபோட்டிகளில் சேகரித்த பணவிபரத்தினை மக்கள் முன் ஏன் இந்ந முகவர்கள் முன்வைக்கவில்லை.

• சுவிற்சர்லாந்து வாழ் மக்கள் இவர்களிடம் கணக்கு விபரங்களை ஏன் கேட்க மறந்தனர். 

• இவ்வாறு சேகரிக்கபடும் நிதிகள் தளத்தில் தலைமையற்ற நிலையில் எங்கு செல்கின்றது.

• நிhவாகத்திற்கு தேரியாமல் போலி நிர்வாகத்தினை உருவாக்கி கோயில் பணத்தினை ஏன் சூறை ஆடுகின்றனர்.

ஏற்கனவே கல்வி சேவையை மேலும் STCC யுடன் சேர்ந்து செய்ய விரும்பாத சுயாதீன அமைப்புகள் தனியே கல்விசேவையை தொடர்ந்த போது கீரைக்கடைக்கு எதிர்கடை போடுவது போல் அதே பெயரில் புதிய வகுப்புக்களை ஆரம்பிப்பதற்காக செய்யபட்ட விளம்பரத்தினை பாருங்கள்.

யுத்தின் பின்னர் இவர்களால் கைவிடப்பட்ட போராளிகளும் பொதுமக்களும் வழ்வாதரம் அற்று தவிக்கின்றனர். இவ் அமைப்புகள் புலம்பெயர் மக்களிடம் இருந்து சேகரக்கபட்ட நிதியே அம்மக்களின் கண்ணீரை துடைப்பதற்கு. இவர்களால் திரட்டபட்ட நிதி எங்கே? இம் மக்களின் வாழ்வாதரத்திற்கும் கல்வி மேம்பாட்டிற்கு பல தன்னார்வ குழுக்களே முன்வந்து உதவிவருகின்றனர்.

இன்று ஓரளவு மூச்சு விடும்  நிலைமையிலுள்ள பழைய விடுதலைப்புலிப் போராளிகளை மீண்டும் ஓர் போராட்டத்தினை நடாத்துமாறு நெருக்கடிகளை கொடுத்துவருவது பற்றி போரளிகள் பலர் உதவி வழங்கசென்றவர்களிடம் முறைப்பாடு செய்துள்ளனர். புலம்பெயர் நாடுhளில் வசதியாக வாழ்ந்து கொண்டு அம்மக்களை மேலும் நிர்பந்ததிற்கு உள்ளாக்காது. போரட விருப்பமாயின் நீங்கள் நேரடியாக களத்தில் குதியுங்கள் அல்லது உங்கள் பிள்ளைகளை போராட்டத்திற்கு அனுப்புங்கள். உங்கள் வெற்று அறிக்கை போராட்டங்களும் கோரிக்கைகளும் மேலும் இலங்கையில் வாழும் தமிழ்மக்களிற்கே ஆபத்தனதாகும். அந் நடே தஞ்சம் என வாழும் மக்களால் நடாத்தும் போராட்டங்களிற்கு உங்கள் சொலிடாரிட்டியை தெரவியுங்கள் மாறாக உபத்திரவம் செய்யாதீர்கள்.

இலங்கையில் வாழும் மக்கள் இன்று மிக குறைந்த எண்ணிக்கையை கொண்ட ஓர் தேசிய இனமாக மாறியதற்து எமது தமிழ் மிதவாத தலைமைகள் எப்படி காரணமாகியிருந்தார்களோ அதே போல் யுத்தமும்; பலரை புலம்பெயர் வைத்தது. போட்டியில் தோற்று போனோம் மீண்டும் ஓர் போட்டியை ஏற்படுத்தி வெல்லுவோம் என்ற மன நிலையில் இருந்து சிந்திக்காது. இலங்கை வாழ்வாதரங்களை உயர்த்துவதிலும் சுய தொழில் வாய்ப்புக்களை உருவாக்குவதற்கு உதவுங்கள். அவர்களின் வாழை;வாதார உயர்வு ஓர் காத்திரமான அரசியல் உரிமைக்கான போரட்டத்தினை நோக்கி நகர்த்தும். இலங்கை வாழ் தமிழர்களின் வெளியேற்றுவதற்கான அனைத்து நடவடிக்கiயும் சிங்கள பேரினவாதத்திற்கு கிடைக்கும் போனஸ் ஆகும்.

• புலம் பெயர் வாழ் தமிழ் மக்களே போலி தேசியவாதிகளை இனங்காணுங்கள். தேசியத்தின் பெயரில் சேகரக்கும் நிதி விபரங்களை பெதுவெளியில் முன்வைக்க கோருங்கள்.

• புலம்பெயர் மக்களே 2009 இறுதியுத்ததிற்காக சேகரித்த நிதிக்கான விபரங்களை  முன்வைக்குமாறு கோருங்கள்.

• 2009 ஆண்டிற்கு பின்னர் சோத்த நிதிக்கான கணக்கு விபரங்களை கோருங்கள்.

இவர்களின் வியாபார உத்திக்காக பயன்படும் தமிழ்தேசியம் என்ற போர்வையில் இவர்கள் நடாத்தும் போலிப்போரட்டங்களிற்கு எடுபடாதீர்கள்.

வாழ்வாதாரமின்றியும் போரட்டத்தில் ஊனமுற்ற மக்களிற்கும் போராளிகளிற்கும் உங்களிற்கு தெரிந்த தன்னார்வகுழக்களுடன் இணைந்து உதிவிகளை வழங்கி அம்மமக்களிற்கு ஓர் நிரந்தர வாழ்வாதர  வழிவகைகளை ஏற்படுத்தி கொடுக்க முன்வாருங்கள்.

க.சுதாகரன்

11.09.2016

சுவிஸ் தமிழர் ஓருங்கிணைப்பு குழுவினரின் (Swiss Tamil Coordinating Committee STCC) அடாவடித்தனமும் தன்;னார்வகுழுக்கள் மீதான உரிமை மறுப்பும்

புலிகளின் பினாமி அமைப்புக்களில் ஒன்றாகச் செயற்பட்டிருந்த உலகத்தமிழர் ஓருங்கிணைப்பு குழு (World Tamil Coordinating Committee WTCC), புலம்பெயர் நாடுகள் பூராவும் தன்னார்வக் குழுக்களாக உருவாகிய -கல்வி,  கலை, கலாச்சாரம் மற்றும் ஆலயம் சார்- சமூக அமைப்புக்கள் அனைத்தையும் தமது கட்டுக்குள் உட்படுத்தியிருந்தமை அனைவரும் அறிந்த பழைய சங்கதிதான்! புலம்பெயர்ந்து வாழ், பெரும்பான்மைத் தமிழர்கள் தமிழ்தேசியத்தின் மீதான பற்றுதலிலும், அதீத நம்பிக்கையிலும் தாமே உருவாக்கிய தமது அமைப்பின் சுயாதீனத்தை இவர்களிடம் தாரைவார்த்திருந்தனர் என்பதும் உண்மையே! அவ்வகையில் இவ்வமைக்களின் மூலமும் மக்களிடம் இருந்து பணத்தைச் சேகரித்து,  அனைத்தையும் „தமிழ் மக்களின் விடுதலைப்போராட்டத்திற்கே செல்லும்' என்ற நம்பிக்கையில் அதனையும் சேர்த்து புலிகளுக்கு தாரைவார்த்து வந்தனர்.

ஆனால் இன்று அதே அமைப்பு (உலகத்தமிழர் ஓருங்கிணைப்பு குழு WTCC)  „சுவிஸ் தமிழர் ஓருங்கிணைப்பு குழு (STCC)' என்ற பெயரில் சுவிற்சர்லாந்தில் தோற்றம் பெற்றுள்ளதுடன்;, மீண்டும் பொதுமையாக இயங்கத் துடிக்கும் ஆலயங்கள், மற்றும் கல்வி, கலை கலாச்சார அமைப்புக்களுக்குள் புகுந்து, ஒன்றாக இயங்குவதுபோல் நடித்து அவர்களின் நிம்மதியைக் குலைத்து வருவதுடன், அவ் அமைப்புக்களின் செயற்பாட்டுக்கு அவசியமான நிதியையும் அபகரிக்கும் மோசடிகளில் ஈடுபட்டு வருகின்றனர்.

2009 ம் ஆண்டு போரட்டம் முடக்கப்ட்டு விடுதலைப்புலிகளின் தலைமை அழிக்கப்பட்ட போது தன்னார்வகுழுக்கள் தமது தனித்துவத்தினை நிலைநாட்ட முனைந்துள்ளனர். அத்தகையதொரு நோக்கில்  சொலத்தூண் தமிழர் நலன்புரி சங்கமும்(Tamil Welfare Association Solothurn TWAS) இவர்களிடம் இருந்து பிரிந்து கடந்த ஓராண்டு காலமாக தனித்துவத்துடன் செயற்பட்டும் வந்தது. ஆனால் உருசிகண்ட பூனைகளாகிய சுவிஸ் தமிழர் ஓருங்கமைப்புக் குழு, கடந்த ஏப்பிரலில் நிகழ்ந்த இசைக்குயில் போட்டி நிகழ்ச்சிக்கு உதவும் நோக்கில்  உள்நுழைந்தனர். நிகழ்ச்சி முடிந்ததுதான் தாமதம்! சுவிற்சர்லாந்து சொலத்தூண் மானிலத்தில்; செயற்பட்டு வந்த சொலத்தூண் நலன்புரி சங்கத்தினதும், அதன் செயற்திட்டத்தின் கீழ் இயங்கி வருகின்ற துர்கை அம்மன் கோவிலினதும் நிதியிலும் தமது கைவரிசையை காட்ட ஆரம்பித்துள்ளனர்.  

சோலத்தூண் நலன்புரி சங்கம் (Tamil Welfare Association Solothurn TWAS) இப்பிரதேசத்தில் வாழும் தழிழ் மக்களின் கலை, கலச்சாரம் மற்றும் ஆன்மீக வழிமுறைகளை கருத்தில் கொண்டு தோற்றுவிக்கப்பட்ட ஒன்று. அக்காலகட்டத்தில் தமிழ் தேசியத்தினை பெரும்பான்மை தமிழ்மக்கள் ஆதரத்தது மட்டுமல்லாது விடுதலைப்புலிகளுக்கு பெரும் நிதிப்பங்களிப்பினையும் செய்துவந்துள்ளனர். அவ்வேளையில் இச்சங்கத்தினால் பெரும் நிதி திரட்டக்கூடிய வேலைத்திட்டங்கள் பல முன்வைக்கப்பட்டு அவை வெற்றிகரமாக செயலாற்றிக்கொண்டுமிருந்தன. இவற்றில் சுவிற்சர்லாந்தில் உள்ள அனைத்து மானிலங்களில் வாழும் தமிழ் இளையோர்களுக்கிடையிலான நடன, இசை போட்டிகள் (இசைக்குயில், நாட்டியமயில்) முக்கிய இடத்தைப் பெற்றன.

ஓருங்கிணைப்பு குழுவினால்  (STCC)' முன்னெடுக்கப்பட்ட மக்கள் கடை போன்ற வேலத்திட்டங்கள் நட்டத்தைத் தழுவியபோது, அதனை ஈடுசெய்வதற்கும் சொலத்தூண் நலன்புரி சங்கத்தின் நிதி பாரிய அளவில் உதவியது. ஆரம்பத்திலிருந்தே இத்தகைய நடவடிக்கைகளில் திருப்பியற்றிருந்த பல நிhவாக உறுப்பினர்கள், „பரவாயில்லை, பணம் தேசியவிடுதலைக்கே பயன்படுத்தப்படுகின்றது' என நினைத்து அமைதியடைந்தனர். புலம்பெயர் புலிகளினால் ஓவ்வொரு தனிநபர்களிடம் இருந்து ஓரு இலட்சம் சுவிஸ்பிராங்குகள் வங்கிக் கடனூடாக போர் நிதியாக வசூலிக்கப்பட்டது. இது போர் முடிவுக்கு வரும் தறுவாயிலும் தொடர்ந்தது! 2009 ஆம் ஆண்டு போராட்டம் முள்ளிவாய்க்காலில் முடிவுக்கு வந்ததையடுத்து சொலத்தூண் நலன்புரிசங்கம் நாட்டியமயில், இசைக்குயில் நிகழ்ச்சிகளை நடாத்தி போரில் அங்கவீனமுற்ற போராளிகளிற்கும் போரினால் பாதிக்கபட்ட அல்லது வாழ்வாதரங்களை இழந்த மக்களுக்கும் வழங்குவதாக தீhமானித்திருந்தனர்.

அதேவேளை கடனெடுத்துக் கொடுத்த அப்பாவிகள் பலர் பணத்தினை வங்கிகளுக்கு திருப்பிச் செலுத்தமுடியாத முடியாத நிலையில் திண்டாடினர். பாவம்;, இன்றும் திண்டாடுகின்றனர். இச்சந்தர்பத்தில் ஓருங்கிணைப்பு குழுவினர், நலன்புரிச் சங்கத்திடம் அப்போதிருந்த பணத்தை, கடன் எடுத்துக் கொடுத்தவர்கள் அனைவருக்கும் பகிர்ந்தளிப்பதற்குப் பதிலாக தமது சகபாடிகளுக்கும், தமக்கு நெருங்கியவர்களுக்கும் மட்டும் கொடுக்கும் படி நிர்பந்தித்தனர்.

இதன் விளைவாக காலம்காலமாக, சிறுகச் சிறுக திரட்சிபெற்ற சங்க நிர்வாகிகளுக்கிடையிலான முரண்பாடுகள் ஒரேதடவையில் வெளிப்பட்டன. ஒரு சிறு பகுதினர் நலன்புரிச் சங்கத்தினை, உலகத்தமிழர் ஒருங்கிணைப்புப்புக் குழுவுக்கு ஆதரவாக நகர்த்துவதற்கும் முனைப்பட்டனர்.

இந் நிலைமையில், (பெரும்பான்மை உறுப்பினர்களைக் கொண்ட) நலன்புரிச் சங்கம் அதன் முதல் நடவடிக்கையாக 2015 செப்டம்பரில் பொது கூட்டத்திற்கு அழைப்பு விடுத்தது. இது தமக்கு பாதகமாக அமையும் என கருதிய ஓருங்கிணைப்பு குழு இப்பொது கூட்டத்தினை குழப்பும் முகமாக வேறொரு கூட்டத்தை ஒழுங்குசெய்து, பொதுக் கூட்டத்திற்கு வந்தவர்கள் சிலரை தனது கூட்டத்திற்கு வருமாறு அழைத்தது. ஓருங்கிணைப்புக் குழுனால் நடாத்தபட்ட அக் கூட்டத்தில் சங்கத்துககு அப்பாற்பட்ட, சொலத்தூண் மாநிலத்தைச் சாராததவர்கள் பலர் கலந்து கொண்டிருந்தனர். இவர்களால் போலியாக உருவாக்கபட்ட நலன்புரிசங்கத்தினதும் கிறென்கன் துர்கை அம்மன் கோவிலது போலி பதிவின் ஆதாரங்கள். 

இதேவேளை பெரும்பான்மை செயற்குழு உறுப்பினர்களை கொண்ட உண்மையான நலன்புரிச் சங்கம் தமது நிர்வாகத்தினை இளையோரிடம் ஓப்படைப்பதாக முடிவெடுத்தது. பெரும்பான்மை பலத்தினை கொண்ட தம்மை சட்டரீதியில் பதிந்து, இசைக்குயில் போட்டி நிகழ்ச்சியை நடாத்துவதற்கும் தயாரானது.

நலன்புரிச் சங்கத்திற்கு எதிராகவும் அடாத்தாகவும் ஓருங்கிணைப்புக் குழுவின் ஆதரவுடன் கூடிய பிரிவும் சட்டத்திற்கு விரோதமான முறையில் தாமும் புதிய நிர்வாகத்தினை தெரிவு செய்து அதே பெயரில் தன்னையும் பதிவு செய்தது. இசைக்குயில் போட்டி நிகழ்ச்சியை தாமும் நடாத்தபோவதாக அறிவித்திருந்தது. 

ஆனால் போட்டியில் கலந்து கொள்ளும் பிள்ளைகளின் பெரும்பான்மையினரான பெற்றோர்களும் ஆசிரியர்களும பெரும்பான்மை நிர்வாக உறுப்பினர்களை கொண்ட நலன்புரிச்சங்க நிர்வாகத்துக்கே ஆதரவாக இருந்தனர். ஓருங்கிணைப்பு குழு தம்மால் இசைக்குயில் நடத்துவது சாத்தியமற்றது என கருதியபோது பெரும்பான்மை பலத்தினை கொண்ட சொலத்தூண் நலன் புரிச்சங்கத்தின் நிர்வாக சபையுடன் ஓர் சமரசத்திற்கு வந்து தாமும் இணைந்து இசைக்குயில் நிகழ்ச்சியை நடாத்துவதாக உடன்பாட்டிற்கு வந்தனர். இவற்றை உண்மை என நம்பி பெரும்பான்மை பலத்தினை கொண்ட நலன்புரி சங்கம் ஏமாந்து போனது.

நிகழ்ச்சி முடிந்தவுடன் சுவிஸ் தமிழர் ஒருங்கிணைப்புக் குழுவினரின் ஆதரவுடன் மீண்டும் நலன்புரி சங்கத்தையும் கோவிலையும் கையகப்படுத்தும் நடவடிக்கைள் திரைமறைவில் மேற்கொள்ளப்பட்டன. இச்சூழ்சியின் உட்சக் கட்டமாக கோயில் நிர்வாகத்துக்கு சொந்தமான பணம் இருபது ஆயிரம் பிராங் -சந்தாபணம்- சூறையாடப்பட்டதுடன், நலன்புரிசங்கத்தின் வங்கிக்கணக்கும் முடக்கபட்டுள்ளது. 

இந் நடவடிக்ககை ஓர் பக்கா கிறிமினல் நடவடிக்ககை ஆகும். ஓருங்கிணைப்பு குழு விடுதலையை விட பணத்தினையே நேசித்தனர் என்பதற்கு இந்த நடவடிக்ககை ஓர் சிறந்த சாட்சியமாகிறது! சுவிஸ் தமிழர் ஓருங்கிணைப்பு (Tamil Welfare Association Solothurn TWAS)  அமைப்பின் கீழ் தனியார் பாதுகாப்பு படை (Verein Tamil Guard Swiss) ஒன்று இயங்கிவருகின்றது. இப்பதிவில் தாம் அரசியல்கட்சி மற்றும் மதசார்பற்றவர்கள் என குறிப்பிட்டுள்ளது உலகை ஏமாற்றும் நடவடிக்கை.

சுவிஸ் தமிழர் ஓருங்கிணைப்பு குழு வின் செயற்பாட்டுடனான செயற்பாடுகள் இலங்கையில் தடைசெய்யபட்டுள்ளது.;  ஆதலால் இவ்வமைப்பிற்கு நிதி சேர்த்தமையினாலும் ஊர்வங்களில் பங்குபற்றியதாலும் இரண்டாவது அகதி தஞ்சம் கோரியுள்ள சம்பவங்களும் நடந்தேறியுள்ளன. 

இந் நிலைமைகளில், பெரும்பான்மை பலத்தினை கொண்ட நலன்புரிசங்க உறுப்பினர்களின் கைகளை பலப்படுத்துங்கள்! தமிழ்த் தேசியத்தினை வாய்கிழிய கத்தி, மக்களின் சொத்துகளையும் சுயாதீனத்தினையும் முடக்குவதற்கு முனையும் சக்திகளை மக்கள் இனங்கண்டு, உடனடியாக இவர்களின் அடவாடிதனங்களுக்கு முற்றுபுள்ளி வைப்பதற்கு முன்வரவேண்டும்!!!

க.சுதாகரன் 5.06.2016

மே 18 பற்றிய புரிதலும் புதிய தேடலின் அவசியமும்.

மே 18 பற்றி பலரும் தமது அபிப்பிராயத்தினை பதிவுசெய்துள்ளனர். ஓரு சில தரப்பு தனியே ஓர் நினைவு நாளாகவும். வேறு சிலர்; மே 18 ஓர் முடிவல்ல இதுவே ஓர் ஆரம்பம் வீறு கொண்டுள்ளனர். புலத்தில் பல ஊர்வலங்கள் கூட்டங்களும் ஓன்று கூடல்களும் நடைபெற்றுள்ளன.

மே 18 னை எப்படி புரிந்து கொள்வது? 

• ஆயுதப்போராட்டதினது முடிவாகவும் 

• முதிர்வுக்கு மிஞ்சிய அதி தீவிர தமிழ்தேசியத்தின் அறுவடையாகவும் 

• அரசியல் அற்ற ஓர் விடுதலை இயக்கத்தின் முடிவாகவும் 

• சர்வதேசத்தின் நகர்வுகளை சரிவர கணிப்பிடாததின் விளைவாகவும் 

• மறு பிரதி செய்ய முடியாத சமூகப்பரம்பலை கொண்ட மிக சிறிய எண்ணிக்கையில் உள்ள சிறுபாண்மை தமிழ் இனம் என்பதனை கணக்கில் எடுக்காமையின் விளைவாகவும்

• தனியே பணமும் ஆயுதங்களும் போராட்டத்தினை வெற்றியை நோக்கி நகர்த்தாது என்பதற்கு கிடைத்த பாடமாகவும்

• எதிரி ஓர் அரச பலத்தினை கொண்டவன் என்பதனையும் மேலும் அரசுகள் தமது அதிகாரங்களை தக்க வைப்பதற்கு ஏனை அரசுகளுடன் நிபந்தனை அற்று கை கோர்ப்பார்கள் என்பதனை எதிர்வு கூறாமையின் விளைவாகவும்.

• தனியே தமிழ் தேசியம் காது கிழிய இந்திய தமிழ் அரசியல்வாதிகளின் பேச்சுக்களை நம்பினால் என்ன நடக்கும் என்ற தகவலை உரக்க தெரிவித்த ஓர் முரசு ஓலியாகவும்.

• பின்வாங்கும் கொரில்லா தந்திரோபயத்தினை கைவிட்டு தமது தகுதிக்கு மீறிய ஓர் மரபு வழிபோரிற்கு தயராதனால் ஏற்பட்ட விளைவாகவும்.

• கறுப்பு சந்தை ஆயுதங்களும் ஓர் போராட்டத்தின் வெற்றியையும் தோல்வியையும் தீhமானிக்கும் என்பதற்கு ஓர் பாடமாகவும்.

• இந்தியாவின் நலனுக்காக ஊதிப்பெருக்க வைத்த ஓர் போரட்டம் இந்தியாவின் நலனுக்கு தேவை அற்ற பொழுது அழிக்கும் செயலையும் செய்யும் என்பதற்கான சாட்சியாகவும்.

• புலம்பெயர் புலிகளினால் போரட்டத்தினை சர்வதேசப்படுத்துகின்றோம் கூறிக்கொண்டு தமாகவே சர்வதேச நாடுகளின் உளவுகளின் கால்களில் விழுந்ததும் பின்னர் இச்சர்வதேச உளவுகள் போரட்டத்தினை எவ்வாறு நகர்த்தும் என்பதற்கு கிடைத்த ஓர் அனுபவமாகவும். 

• உட்கொலைகளையும் சக சகோதர படுகொலைகளையும் ஏனைய சிறுபாண்மை சமூகத்தின் உரிமைகள் மறுக்கப்பட்ட போதும் கண்டிக்காது இருந்த மௌனத்திற்கு கிடைத்த பின்விளைவாகவும்

• பல எதிரிகளை தாமே உருவாக்கியதன் பலனாகவும்

• சிங்கள மக்களிற்கு போராட்டத்தின் தேவையையும் நியாயத்தினையும் அறியப்படுத்தாது சாதாரண சிங்களமக்களிற்கு எதிரான போரட்டமாக மாற்றபட்டதிற்கு கிடைத்த தோல்வியாகவும்

இவ்வாறு நடந்தேறிய படுகொலைகளுக்கானதும் தோல்விக்காண காரணங்களை அடுக்கி கொண்டே போகலாம். இனியும் இவ்வாறு படுகொலைகளும் ஓடுக்குமுறைகளும் நடைபெறாது எவ்வாறு இலங்கை வாழ் தமிழ் மக்களின் உரிமைப்போராட்டம் அமையவேண்டும் என்பதனை இன்றும் கவனத்தில் எடுத்து கொள்ளாத புலத்து புலிகளின் செயற்பாடுகள கவலை தருகின்றது. இலங்கையில் உள்ள தமிழ் தேசிவாதிகளின் இனவாத பேச்சுகளும் நடவடிக்கைகளும் புலத்திலும் இன்னமும் புதிய பெயர்களில் செயற்பட்டு வரும் புலி ஆதரவாளர்களின் செயற்பாடும் இலங்கை வாழ் தமிழர்களின் இருப்பினையே குழி தோண்டி புதைக்கப் போகும் ஆபத்தாகும்.

ஏதோ தெரியாத்தனமாக விடுதலைப் புலிகளின் தலைவர் போராட்டத்தினை புலத்தில் உள்ள இரண்டாம் தலைமுறையிடம் போராட்டம் கையளிக்கப்பட வேண்டும் என்று கூறிச்சென்ற கூற்றினை வைத்து கொண்டு ஓரு சிறிய எண்ணிக்கையை கொண்ட இரண்டாம் தலைமுறையினர் கொக்கரிக்கின்றனர். ஐரோப்பிய நாடுகளில் உள்ள கட்சிகளிலேயே முதியோர் இல்லம் நடத்த கூடிய நிலைமையே உள்ளது. ஐரோப்பிய நாடுகளில் உள்ள இளைஞர்களும் இளைஞிகளும் கல்விகற்கும் காலப்பகுதியில் அரசியலில் ஈடுபடுகின்றனர். தொழிலில் தம்மை இணைத்துகொண்ட பிற்பாடு அரசியலில் ஈடுபடும் ஆர்வம் குறைந்து செல்லும் போக்கே காணப்படுபின்றது. ஆதன் விளைவாகவே இங்குள்ள கட்சிகளுக்கு வேட்பாளர் பற்றாக்குறையும் ஏற்படுகின்றது. இப்பற்றாக்குறையினை எம்மை போன்ற புலம்பெயர்ந்தோர் கட்சியில் இணைந்து வெற்றிடத்தினை நிரப்பி வருகின்றோம். இலகுவில் பொறுப்பான பதவியினை கைப்பற்றகூடிய வாய்புக்களும் ஏற்பட்டுள்ளது. 

புலத்தில் உள்ள இணர்டாம் தலைமுறைத் தமிழர்களில் பலர் உயர் கல்வியே கற்கின்றனர். தம்மை இவர்கள் தொழிலில் நிரந்தரமாக தம்மை ஈடுபடுத்திய பிற்பாடு நாங்கள் தான் இவர்களை பார்த்து இவர்களும் தமிழர்கள் என்று சொல்லும் காலம் வெகு தூரத்தில் இல்லை. தத்தமது உரிமைகளிற்காக போராடும் சக்திகள் தாம் வாழும் சொந்த இடங்களிலேயே தோன்றுவதே யதார்த்தமானதும் சாத்தியமானதும்.

சுவிற்சர்லாந்து தலைநகரில் இன்று நடைபெற்ற ஓன்று கூடலில் ஓர் ஆயிரக்கணக்காணவர்கள் மட்டுமே கலந்து கொண்டிருந்ததினை காணக்கூடியதாக இருந்தது. இக் கூட்டத்தில் பேசிய ஓருவர் தமிழ் ஈழத்தினை ஆதரிப்பவர்கள் தமிழர்கள் எனவும் இதனை எதிர்ப்பவர்கள் சிங்களவர்கள் என இரண்டு தரப்பினராக பிரித்து தனது அரசியல் அறிவைப்புலப்படுத்தி உள்ளார். அதுமட்டுமல்லாது இங்கிலாந்தில் இரண்டு குழுக்களாக மே 18 கூட்டங்கள் இடம்பெறுவதாகவும் அவற்றில் ஓர் குழு தேசிய கொடி (புலிக்கொடி) இன்றி நடாத்துகின்றது எனவும் மற்றைய குழு இங்கிலாந்து அரசின் அனுமதிபெற்று தேசிய கொடிக்கான (புலிக்கொடி) அங்கீகாரத்தினை வாங்கி ஓன்றுகூடல் நடாத்தியதாக குறிப்பிட்டிருந்தார். இது தனியே புலிகள் இயக்கத்தின் கொடி மட்டுமே இது இலங்கை வாழ் தமிழர்களின் தேசிய கொடியாகாது. 

பேர்ணில் நடைபெற்ற மே 18 நிகழ்வு ஓர் தனி புலிப் பிரச்சாரக் கூட்டமாக அமைந்திருந்தது. இக்கூட்டத்தில் புலிகொடிகள் மட்டுமே பறக்கவிடப்பட்டிருந்தது. மே 18 இல் தனியே புலிகள் மட்டும் மடியவில்லை பல சாதாரண மக்களின் உயிர்களும் பறிக்கப்பட்டன என்பதை இவர்கள் மறந்துவிட்டார்கள் போலும். தனியே மக்களின் இழப்புக்கள் தமது பிரச்சாரத்திற்கு பயன்படுத்தப்படும் ஓர் விடயமாகியுள்ளது. போர் நடந்த போதும் இவர்கள்; அதிக மக்களின் இழப்பே சர்வதேசத்தின் தலையீடு சாத்தியம் என்று கனவு கண்டவர்கள். 

மீண்டும் மீண்டும் நடைபெற்று முடிவடைந்த யுத்ததின் முடிவினை கொண்டு எவ்வித பாடங்களை கற்றுகொள்ளாமல் மேலும் உலகத்தின் மனிதாபிமானத்தின் சாட்சியாக உள்ள "ஐக்கிய நாடுகள்" சபைக்கு தமிழர் விடயம் எடுத்து செல்லப்பட வேண்டும் என துடிக்கின்றனர். அனைத்து ஐரோப்பிய அமெரிக்க பாராளுமன்றங்களில் தமிழர் பிரச்சினை பேசு பொருளாகவேண்டும் என சூழ் உரைக்கின்றனர். இதற்கு ஆதரமாக ஓரு சில இந்நாட்டு பாராளுமன்ற வாதிகளிற்கு மேடை கொடுத்து பேசவைத்து நாம் சர்வதேச அங்கீகாரத்திற்காக செயற்படுகின்றோம் என்பதனை காட்ட பெரு முனைப்பு எடுக்கின்றனர். இவர்களின் சர்வதேச காய் நகர்த்தலால் தமது இலங்கை பயணம் தடைப்பட்டு விடும் பலர் இக் கூட்டங்களில் கலந்து கொள்ளவில்லை.ஊர்வலங்கள் கவனயீர்ப்பு போராட்டங்கள் சரியான நேரத்தில் சரியான இடத்தில் அனைத்து செய்திதாள்களின் பக்கங்களை நிரப்புவது மட்டமல்லாது யாருக்கு எதிராக போராட்டம் செய்கின்றோமோ அவர்களை மக்கள் முன் அம்பலப்படுத்துவதாகவும் போராட்ட நியாத்தினை மக்கள் மனதில் பதியப்படுத்துவதாக அமையவேண்டும். 

வழமையாக வீதி ஓரங்களில் போடும் காப்புகடைகள் போன்று ஓர் புதிய விடயமாக மக்களால் அவதானிக்கபடுவதில்லை. இதே காப்புகடைகள் போன்று வருடாந்தம் ஐ.நா விற்கு முன்பாகவும் பேர்ண் பாராளுமன்ற முன்றலிலும் புலிகளால் நடாத்தப்படும்; திருவிழா கூட்டங்கள் பற்றிய செய்திகள் பத்திரிகையில் ஓர் பெட்டி செய்தியாக கூட வெளியாவதில்லை. ஆகவே இவ்வகை ஆரவாரத்தில் செலவழிக்கப்படும் பணங்கள் முள்ளிவாய்க்காளில் வாம்வாதரங்களையும் போரட்டத்தினால் அங்கங்களை இழந்து அங்கவீனமுற்றோர்களிற்கு கொடுத்து உதவ முன்வரலாம். 

புலத்திலுள்ள புலிகளும் புதிதாக தோன்றியுள்ள இரண்டாம் தலைமுறை அரசியல்வாதிகளும் முதலில் அரசியலை கற்றுகொள்ள வேண்டும். அரசியல் அறிவு தான் உங்கள் சிந்தனை பரப்பினை அதிகரிக்கும். இதன் மூலமே மக்களின் உரிமைகளை வென்ற எடுக்க கூடிய பாதையினை கண்டுகொள்ள முடியும். 

இரண்டாம் யுத்தம் தந்த கசப்பான அனுபவங்களின் விளைவே இன்றும் ஐரோப்பிய நாடுகளில் அகதிகளை ஏற்றுகொள்ளும் மனோ நிலையும் மற்றைய இனங்களுடன் விட்டுகொடுத்து வாழும் மனோ நிலையும் இணைவாக்கத்தினையும் கற்றுகொடுத்தது.

புலம்பெயர் வாழ் இரண்டாம் தலைமுறையினர் ஏற்கனவே எவ்வித ஆய்வுகளும் கணிப்புகளும் இன்றி தோற்றம் பெற்ற தேசியவாத கருத்துகளாலும் ஆயுதபோரட்டத்தினால் ஏற்பட்ட விளைவுகளை கருத்தில் கொண்டு தங்களின் தேடல்களை வலுப்படுத்துவதன் மூலமே நீங்கள் முள்ளிவாய்க்காளில் உயிர்நீத்த போராளிகளிற்கும் மக்களிற்கும் மே 18 இல் செலுத்தும் உண்மையான அஞ்சலியாகும்.

க.சுதாகரன்

18.05.2009

சம்மந்தனின் பிரபுத்துவ ஆணவமும் புலத்தில் தவிர்க்கபடவேண்டிய அரசியல் கலாச்சாரமும்

தமிழ் கூட்டமைப்பின் தலைவர் சம்பந்தர் கைதிகளின் விடுதலைபற்றி பேச வந்த முன்னால் போராளிகளுடன் திமிராக நடந்து கொண்டதை வன்மையாக கண்டிக்கவேண்டும். அரசியல்வாதிகள் மக்காளால் மக்களிற்கு சேவை செய்வதற்காகவே தெரிவுசெய்ப்படுகின்றனர். ஏதோ தாமே மக்களின் எஐமானார்கள் போல் திமிராக அரசியல் அதிகாரத்தினை தமது பக்கபலமாக கொண்டு மக்களை ஏளனத்துடன் அல்லது பொருட்படுத்தாது நடக்கும் போக்கு அனைத்து தரப்பினராளும் வன்மையாக கண்டிக்கப்பட வேண்டும். உருப்படியான ஜனநாயக முறையிலான கட்சியாக இருப்பின் கூட்டமைப்பு பாரபட்சமின்றி ஓழுங்கு நடவடிக்கை எடுத்தல் வேண்டும். தனது திமிர்த்தனமான நடவடிக்கையின் தவறினை சுயவிமர்சனம் செய்து மன்னிப்பு கோரல் வேண்டும். மேற் குறிப்பிட்ட நடவடிக்கையே ஓர் நேர்மையாக மக்களை நேசிக்கும் அரசியல்வாதியின் பண்பாக இருக்கமுடியும்.

இதேபோல் சுவிற்சர்லாந்திற்கு சுரேஸ் பிரமேச்சந்திரன் வந்திருந்த போது எனது நண்பர் அரசியல் விடயங்களை பேசத்துடங்கியவுடன். பிரமேச்சந்திரன் பேசியவிடயங்களை பொருட்படுத்ததாது இவர்கள் கூறி நான் என்ன கேட்பது என்ற தமிரில் நடந்து கொண்டதாக என்னிடம் தெரிவத்திருந்தது ஞாபகத்திற்கு வந்தது. அரசியல்வாதிகள் என்றால் எல்லாம் தெரிந்த மகான்களான தம்மை நினைத்து கொள்ளுகின்றனர். மிதவாத அரசியிலில் ஈடுபடும் தனிநபர்களிற்கும் எவ்வித அறிவு சார்ந்த தகுதிலை இன்றி மக்கனை நேசிக்கும் பண்பு மட்டுமே போதுமானது. இதற்கு அடுத்தபடியாகவே மற்றவை எல்லாம்.

நேர்மையான அரசியல் வாதிகள் முதலில் கேட்கும் பண்பினை வளாத்து கொள்ளவேண்டும். ஓர் நிறுவனத்தினை முகாமுத்துவபடுத்தும் ஓர் சிறந்த தலைவருக்கும் இப்பண்பு அவசிமானதாகும். தம்மை தெரிவு செய்த மக்கள் தங்கள் குறைகளை முன்வைக்கும் பொழுது அவ்விடயங்களிற்கு நேரங்களை ஓதுக்கி கூர்ந்து குறைகளை கேட்டறிதல் வேண்டும். இவ்வகை அலட்சியப்போக்காக நடப்பது மக்களை இவர்கள் அடிமைகளாகவே கருதும் போக்;கினையையே வெளிப்படுத்துகின்றது.

சுவிற்சர்லாந்து பாரளுமன்ற தலைமைப்பொறுப்பினை  திருமதி சொம்மரூகா ஏற்றபோது மக்களிற்க்கு ஆற்றிய உரையில் தான் இன்றும் வழமைபோல் சுவிற்சர்லாந்து பாராளுமன்ற முன்றலில் ஓன்று கூடும் சந்தையிலேயே சமைலுக்கு தேவையான மரக்கறிகள் பழங்கள் வெண்ணெய் என்பவற்றினை கொள்வனவு செய்து வருகின்றேன் என தெரிவித்து இருந்தார். இதன் மூலம் நான் அன்றாடம் விவாசாயிகளையும் மக்களையும் சந்திக்கும் வாய்ப்பு கிடைப்பதாக கூறி பெருமைப்பட்டார். எமது இலங்கை இந்திய அரசியல்வாதிகள் சந்திக்க வரும் மக்களை உதாசீனம் செயது; தம்மை ஓர் அரசியல் பிரபுகளாக வெளிப்படுத்துகின்றனர்.

தேர்தல் பிரச்சாரத்திற்கு வான் ஊர்தியும் மற்றும் சட்டமன்றம் செல்லாது ஓய்வெடுக்க ஓர் மாளிகை ஜெயலலிதாவுக்கு

கரும்புத்தோட்டத்தில் சிமெந்து மூலம் அமைக்கபட்ட பிரத்தியேக பாதை ஸ்ராலின்க்கு

குறுகியகாலத்தில் அரசியலுக்கு வந்த சீமானிற்கு கூட்டங்களில் கறுப்பு கண்ணாடி அணிந்த தனி பாதுகாப்பு படை சொகுசு வாகனம்

இவற்றைப்பார்க்கும் போது சுவிற்சர்லாந்து பெரும்பாண்மை அரசியல்வாதிகள் பாராளுமன்றத்திற்கும் கூட்டங்களிற்கும் புகையிரதத்தினையே பயன்படுத்துகின்றது. இவர்கள் தம்மோடு ஓர் கூட்டத்தினையோ அல்லது பாதுகாப்பு படையினையோ அழைத்து செல்வதில்லை.

ஆனால் இன்று இந்நாட்டு அரசியிலுடன் தம்மை இணைத்துகொண்ட பல தமிழ் அரசியல் வாதிகள் தம்மை புகைப்படம் எடுத்தும் செல்வி எடுத்தும் பிரபல்யபடுத்தும் இந்திய இலங்கைபாணி மலிவு விளம்பரங்களை செய்து வருவது கவலைதருகின்றது. தம் சார்ந்த கட்சியின் கொள்கையுடன் உடன்பாடு கொள்ளாது தனியே வேட்பாளர்கள் ஆவதற்கு இந்நாட்டுகட்சிகளை பயன்படுத்திகொள்ளுகின்றனர். புலத்தில் வாழும் தமிழர்களும் இந்நாட்டு அரசியலில் அங்ஙத்துவம் பெறவேண்டும் என துடிக்கும் புலத்து தமிழ் அரசியல்வாதிகள். தமிழரே தமிழ்நாட்டை ஆழவேண்டும் என இனவாதம் கக்கும் சீமானுக்கு ஆதரவாக தமது முகநூலில் பதிவு இட்டுவருகின்றனர். இந்நாட்டு மக்களும் அரசியல் அங்கத்தும் தமது éர்வீக குடிகளுக்கு மட்டும் என்று கருதி இருந்தால் ஜரோப்பிய அமெரிக்க நாடுகளில் எந்தவொரு தமிழனும் கட்சிகளில் அங்கம் கூட வகித்திருக்க முடியாது என்பதனை சிந்தித்து பார்க்கவேண்டும்.

தயவு செய்து புலத்தில் முளைத்திருக்கும் புதிய மிதவாத அரசியல்வாதிகள் இலங்கை இந்திய அரசியல் கலாச்சாரத்தினை மேடையாற்றாது தம்மை ஓர் மக்கள் பிரதிநிதியாக்குவதற்கு முன்தேவையான சமூக பிரங்ஞையை தன்னகத்தே வளர்த்து கொள்ள வேண்டும்.